Զեկ. ԱՐԱՐԱՏ ԳԱԲՐԻԵԼՅԱՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, և նկատի ունենալով, որ Նոյեմբերյան համայնքի քաղաք Այրում Բարեկամության փողոց,  թիվ 47 ավտոտնակ հասցեում գտնվող  կառույցը կառուցված չէ Հայաստանի Հանրապետության հողային օրենսգրքի 60-րդ հոդվածով նախատեսված հողամասերի վրա և քաղաքաշինական նորմերի ու կանոնների էական խախտումներով, չի գտնվում ինժեներատրանսպորտային օբյեկտների օտարման ու անվտանգության գոտիներում, չի առաջացնում հարկադիր սերվիտուտ պահանջելու իրավունք՝

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է  

 1. Հայաստանի Հանրապետության Տավուշի մարզի Նոյեմբերյան համայնքի քաղաք Այրում, Բարեկամության փողոց, 1/37 ավտոտնակ  հասցեում գտնվող,  11-012-0115-0006 կադաստրային ծածկագրով 0.00336 հա մակերեսով հողամասը (նպատակային նշանակությունը՝ բնակավայրերի, գործառնական նշանակությունը՝ բնակելի կառուցապատման) և հողամասում գտնվող ընդհանուր՝ 56.61 քմ արտաքին մակերեսով շինությունը՝ ավտոտնակ և ծածկ, ուղղակի վաճառքով օտարել կառույցն իրականացրած Օլեգ Էլիազի Քառյանին:

2. Կառույցի սպասարկման և պահպանման նպատակով հատկացված հողատարածքը և նրա վրա առկա շինությունը օտարել ըստ Հայաստանի Հանրապետության կառավարության 18.05.2006 թվականի թիվ 912-Ն որոշումով սահմանված գներով՝

1) 0.00336 հա մակերեսով հողամասի օտարման գինը կադաստրային արժեքին համապատասխան՝ 33.6x1221= 41030 (քառասունմեկ հազար երեսուն )  ՀՀ դրամ չափով։

 2) 56.61 քմ արտաքին մակերեսով կառույցի գինը՝ 56.61x1209 =  68450 (վաթսունութ հազար չորս հարյուր հիսուն ) ՀՀ դրամ:

3. Կառույցն օգտագործել ըստ նպատակային և գործառնական նշանակության:

4. Գույքն օտարել ըստ Հայաստանի Հանրապետության կառավարության 18 մայիսի 2006 թվականի N 912-Ն որոշմամբ նախատեսված ժամկետներում: